Бухорода korzinka.uz​ DISKONT ва FLO​ дўконлари ишга тушди

7 сентябрь куни Бухоро шаҳри аҳолиси 2 та янги савдо ҳудудига эга бўлди. korzinka.uz DISKONT​ Бухоро – 2 супермаркети ҳамда FLO ​мультибренд пойабзаллар дўконининг очилиши яқин атрофдаги хонадонлар учун ҳақиқий байрамга айланди, десак муболаға бўлмайди.

Супермаркет очилиш маросимида сўзга чиққан вилоят ҳокими Ўктам Барноев таъкидлаганидек, замонавий савдо ҳудудларининг ишга туширилиши аҳоли учун қулайлик яратибгина қолмасдан, савдо маданиятининг ошишига хизмат қилади. Келгусида маҳаллий аҳоли учун бунданда кўпроқ шароитлар яратилиши ваъда қилинди.

Шўх миллий тароналар, мазали ширинликлар ва қувноқ муҳит ҳамоҳанглигида ўтган очилишлар баробарида харидорлар маҳсулотларни ҳамёнбоп нархларда харид қилиш имкониятига эга бўлди. Эслатиб ўтамиз, бугунги кунда республика бўйича тармоқнинг жами 40 та дўконлари фаолият юритмоқда.

Бухоро шаҳридаги FLO ​пойабзаллар дўкони бренднинг Ўзбекистондаги иккинчи дўкони саналиб, унда Kinetix, Polaris, Torex, Butigo, Art Bella, Panama Club, US Polo Assn, Lumberjack, Dockers By Gerli, Garamond​ каби Туркия ва Европа брендларининг пойабзаллари тақдим этилган. 7,8,9 сентябрь кунлари очилиш муносабати билан 1+1 акцияси амал қилди. Бунда харидорлар 1 жуфт пойабзал харид қилиб, иккинчи жуфтини танлаб бепул олиш имкониятига эга бўлди.

Реклама ҳуқуқи асосида