Ўзбекистон ва Франция ҳарбийлари ҳамкорликда ўқув машғулотлари ўтказмоқда
Ўзбекистон ҳамда Франция қуролли кучлари мутахассислари ҳамкорлигида ҳарбий амалий тренинг машқлари ташкил этилмоқда. Бу ҳақда Ўзбекистон Мудофаа вазирлиги матбуот хизмати хабар берди.
Хабарда айтилишича, тажриба алмашув билан боғлиқ амалий машғулотларнинг деярли барчаси режага кўра Жиззах вилояти «Фориш» полигони тоғли ҳудудларида ўтказилади. Бунда асосий эътибор ҳарбийларнинг мерганлик маҳоратини оширишга қаратилган.
Франциядан келган мутахассислар “Мерган кундалиги” ўқув қўлланмасига асосан ҳарбий хизматчилар билан 3 босқичли тайёрлов машқларини олиб боришмоқда. Унга кўра дастлаб ҳарбийларнинг мерганлик даражаси аниқлаб олинади. Шундан сўнг улар гуруҳларга бўлиниб, ўз даражасига кўра уларга алоҳида машғулотлар ўтилади.
“Франциялик ва ўзбекистонлик иштирокчилар бундай тажриба алмашиш ҳар икки томонга ҳам жуда фойдали бўлиб, келгусида ҳам шу турдаги биргаликдаги машғулотларни давом эттириш яхши натижа беришига ишонч билдиряпти”, - дейилади хабарда.
Мавзуга оид
12:10
Украина ҳарбий учувчилари Францияда тайёргарликни якунлади
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
23:37 / 14.09.2024
Олимлар 50 минг йил ғорда изоляцияда яшаган неандерталлар қолдиқларини топди
15:24 / 12.09.2024