Путин тайгадаги ҳордиғи вақтида нималар билан шуғуллангани маълум қилинди 

Россия президенти Владимир Путин МДҲ саммитида иштирок этиб ортга қайтаётганда Хакасияда тўхтаб ўтган. У 29 сентябрь, шанба куни тайгада ҳордиқ чиқарган. Бу ҳақда Путиннинг матбуот котиби Дмитрий Песков маълум қилган. 

Песков Путин тайгада айнан нима билан машғул бўлганини айтмаган. Россия етакчиси 29 сентябрда у ердан Сочига парвоз қилган ва “Формула-1” автопойгасининг Россиядаги босқичини томоша қилиб, босқич ғолиби, британиялик Льюис Ҳэмилтонни  мукофотлаган. 

Августда Путин Сибирда дам олганди.  У Россия мудофаа вазири Сергей Шойгу, ФХХ директори Александр Бортников билан бирга Тувага борган ва дарё бўйлаб қайиқда сузган, тоғларда сайр қилган, резавор мевалар терган ва ёввойи буғуларни кузатган.