Грециядаги ресторанлардан биридаги антиқа шифт интернет аҳлини ром этди

Фото: Yiorgos Kordakis

Грециянинг Коста-Наварино курортидаги ресторанлардан бирининг антиқа шифти интернет-фойдаланувчиларни ўзига ром этди.

Ижтимоий тармоқларда эълон қилинган ушбу шифт видеоси 2 кун ичида 270 минг мартадан кўпроқ томоша қилинган. Фойдаланувчиларнинг айтишича, бу шифтдан кўзни узиш қийин.

Барчасига эса шифтнинг том маънода ҳаракатланиши сабабдир. Шифтдаги горизонтал тортилган мато шамолда гўёки тўлқинлар каби мавжланади.

“Мен буни уззукун томоша қила оламан”, деб изоҳ берган фойдаланувчилардан бири.

Шифтни лойиҳаган дизайнерларнинг айтишича, улар илҳом берувчи, эркин муҳит яратишмоқчи бўлишган.