Қозоғистонлик 6-синф ўқувчиси ярим соат ичида 30 мингта мисол бажарди 

Қозоғистоннинг Оқтау шаҳридан бўлган Ўрингул Аристан Санкт-Петербургда ўтган танловда 26 дақиқа 26 сония ичида 30 мингта мисолни бажариб, ментал арифметика бўйича рекордни янгилади.

Таъкидланишича, Ўрингул умумий ўрта таълим мактабининг 6-синфида ҳамда болалар интеллектуал ривожланиши маркази “UCMAS”нинг Оқтаудаги филиалида таҳсил олади. У бир дақиқа ичида оғзаки 25-30 та мисол бажара олади.

Санкт-Петербургдаги чемпионатда Ўрингул 120 та давлатдан келган 150 рақибини ортда қолдириб, ўзининг тезкорлиги билан ҳаммани ҳайратлантирди.

“Мен хорижлик дўстлар орттирдим. Мусобақаларда икки йилгина иштирок этаётганимга қарамай, юқори чўққиларга эриша олдим ва бундан жуда ҳам хурсандман”, деб айтган Ўрингул.