Украина президенти Пётр Порошенко Америка Қўшма Штатларининг 1932-1933 йилларда юз берган очарчилик (голодомор)ни геноцид деб тан олиш тўғрисидаги қарорини қўллаб-қувватлади. Бу ҳақда Украина президентининг расмий сайтида маълум қилинди.
Порошенконинг фикрича, Қўшма Штатларнинг қарори мамлакатлар стратегик ҳамкорлигининг тасдиқланиши ҳисобланади. Шунингдек, унинг таъкидлашича, ушбу тарихий даврдаги бу ҳодисалар «совет режими томонидан ташкиллаштирилган».
«Менимча, бу [очарчиликни геноцид деб тан олиш] Украинага тарафдор бўлган жаҳон коалициясини шакллантиришга оид жиддий ишнинг давомига айланди», - дея қўшимча қилиб ўтди Порошенко.
Эслатиб ўтамиз, аввалроқ Украинада россиялик чегарачилар билан жанг юз беришига бир бахя қолгани ҳақида айтишганди.
