ОАВ: Google раҳбари махфий равишда Пентагонга ташриф буюрган

Google компанияси бош директори Сундар Пичаи Пентагонга махфий равишда ташриф буюрган. Бу ҳақда The Washington Post хабар бермоқда.

Нашр маълумотларига кўра, Пичаининг ташрифи Google’нинг Пентагон дастурларидан бирида иштирок этиш учун шартнома муддатини узайтиришдан бош тортиши билан боғлиқ бўлган.

Таъкидланишича, Google раҳбари АҚШ Мудофаа вазирлигининг бир қатор расмий вакиллари билан учрашиб, «юзага келган кескинликни» пасайтирмоқчи бўлган.

Шу билан бирга, Google вакиллари бу маълумотга изоҳ беришмади.

Эслатиб ўтамиз, аввалроқ Бельгия харита сабаб Google’ни судга беришга қарор қилганди.