ИИББ Тошкентда қизларни зўрлаб, ўлдириб кетаётган шахс пайдо бўлгани ҳақидаги миш-мишларни рад этди

Тошкент шаҳар Ички ишлар бош бошқармаси (ИИББ) пойтахтнинг Сергели туманида қизлар зўрлангани ҳақидаги хабарни рад этди, бу борадаги маълумот номаълум шахс томонидан ижтимоий тармоқларда тарқатилган.

Шу каби хабарлар куни кеча Telegram мессенжеридаги гуруҳларда пайдо бўла бошлади. Уларда билдирилишича, Сергели туманида тўрт нафар вояга етмаган қиз зўрланган, сўнг ўлдирилган.

Унинг муаллифи ота-оналарни ҳушёр бўлишга ундаган. ИИББ бу хабарни дарҳол рад этди.

«Бу маълумот ҳақиқатга тўғри келмайди. Бу йил Тошкент шаҳрида вояга етмаганларни зўрлаш билан боғлиқ бирорта ҳам жиноят қайд этилмади», - дея қайд этиб ўтишган ИИББдан.