Ижтимоий сўровнома: Сиз амалдорларни танийсизми? – Сурхондарё вилояти ҳокими!

Шу кунларда Kun.Uz таҳририяти ўзининг янги “Сиз амалдорларни танийсизми?” лойиҳасини тақдим этди. Бундай ижтимоий сўровни ўтказишдан мақсад- жойларда (вилоятлар кесимида) фаолият юритаётган маҳаллий давлат ҳокимияти органлари раҳбарлари халқ орасига қанчалик киргани ва ўз мансаб ваколатини қанчалик одилона олиб бораётганини ўзига хос услубда аниқлашдан иборатдир. 

Демак, навбатдаги сўров Сурхондарёга сафар чоғида ўтказилди. Унда вилоят ҳокими Баҳодир Пўлатовни фуқаролар қанчалик таний олишлари ўрганилди. Қуйидаги видеолавҳада ҳокимни ушбу ҳудудлар аҳолиси қанчалик яхши била олишларига баҳо беришингиз мумкин.

Youtube'да кўриш

Facebook'да кўриш

Вилоят ҳокими ўз вазифасини бажаришга киришганига ҳали кўп бўлмади. Баҳодир Пўлатов жорий йилнинг июль ойида мазкур лавозимга тайинланганди. Янги ҳокимдан халқнинг умиди катта. Бунгача бу лавозимни ҳозирда Самарқанд вилояти ҳокими бўлган Эркин Турдимов эгаллаб турганди. Сафаримиз чоғида  Сурхондарё халқи собиқ ҳоким тўғрисида фақат ижобий фикрларни билдирди.

Албатта, ижтимоий сўровнома, аввал ҳам таъкидланганидек, қайси амалдор қанчалик таниқли бўлиши баробарида унинг ўз ҳудудида олиб бораётган ишлари қониқарли ёки қониқарсиз, ёхуд оддий халқ вакилларининг сиёсий-ижтимоий билим савиясини баҳолашдан йироқ. Бундай  ниятда мезон қўйилишидан мақсад,  шунчаки ҳолатни очиқ-ойдин кўрсатишдир.Зеро,хулоса ҳар кимнинг ўзига ҳавола.