НАТО бош котиби Йенс Столтенберг Америка Қўшма Штатлари Ўрта ва кичик масофадаги ракеталарни йўқ қилиш бўйича битимдан чиқиб кетмоқчи экани муносабати билан баёнот берди. Бу ҳақда РИА «Новости» хабар қилмоқда.
Столтенбергнинг сўзларига кўра, альянсдагилар янги қуролланиш пойгасини истамайди, аммо Россия томони битим билан назарда тутилган келишувларга риоя қилиши керак. Шунингдек, унинг таъкидлашича, блок Россиянинг янги ракеталари жойлаштирилиши бўйича оқибатларни баҳолайди.
«Мен Россиянинг янги ракетасига жавоб сифатида, иттифоқчилар Европада янада кўпроқ ядро қуролини жойлаштиради, деб ҳисобламайман», - деди Столтенберг.
Эслатиб ўтамиз, аввалроқ НАТО собиқ раҳбари жаҳон сиёсатида ким сабабли «хаос» келиб чиққанини билдирганди.
