Индонезиядаги Boeing ҳалокатида ҳеч ким омон қолмаган

Индонезия қирғоқлари яқинида қулаган йўловчи самолётининг ҳалокати оқибатида ҳеч ким тирик қолмаган. Бу ҳақда РИА «Новости» хабар бермоқда.

Қайд этилишича, бу ҳақда Индонезиянинг Фавқулодда вазиятларни бартараф этиш бўйича миллий агентлиги вакили маълум қилди.

Аввалроқ, Индонезиядаги Boeing ҳалокатга учраган жойдан видео эълон қилинганди.

Lion Air авиакомпаниясининг Boeing 737 йўловчи самолёти Жакарта аэропортидан парвоз қилгач ҳалокатга учради. Самолёт парвозга чиққанидан кейин тахминан ўн дақиқа ўтиб радарлардан йўқолиб қолган. Жакартадан Индонезиянинг Банка оролидаги Панкалпинанг шаҳрига JT-610 рейсини амалга ошираётган Boeing 737 самолёти маҳаллий вақт билан соат 6:20да (Тошкент вақти билан 4:20) парвоз қилган ва соат 6:33да йўқолган. Индонезияда ҳалокатга учраган самолёт бортида 188 киши бўлган.