Денов туманига янги ҳоким тайинланди

Халқ депутатлари Денов тумани Кенгашининг бугун ўтказилган навбатдан ташқари сессиясида туманнинг янги ҳокими тасдиқланди.

Эндиликда Бахтиёр Кенжаевич Ибатов Денов туманига раҳбарлик қилади.

Бахтиёр Ибатов янги лавозимга Денов туманини 2017 йилнинг октябрь ойидан буён бошқариб келаётган Қосимов Улуғбек Бердиқобиловичнинг ўрнини эгаллади. Улуғбек Қосимов 8 ноябрь куни Сурхондарё вилояти прокурори лавозимида иш бошлаганди.

Бахтиёр Ибатов 2016 йил декабридан буён Ангор туманини бошқариб келаётган эди. У бундан аввал Қизириқ тумани ҳокими, шунингдек, прокуратура тизимида турли лавозимларда фаолият кўрсатган.

Бундан аввалроқ Ангор туманига шу вақтгача вилоят экология ва атроф-муҳитни муҳофаза қилиш бошқармаси бошлиғи лавозимида ишлаган Усмон Янгибаевич Турапов ҳоким вазифасини бажарувчи бўлганди.

Халқ депутатлари Денов тумани Кенгашининг навбатдан ташқари 48-сессиясида Сурхондарё вилояти ҳокимининг биринчи ўрибосари Т.Боболов иштирок этган ва сўзга чиққан.