Туризмни ривожлантириш давлат қўмитаси айрим мамлакатлар билан виза режимини янада соддалаштириш ташаббуси билан чиқмоқда. Турар жойни ижарага бериш ва фаолиятнинг айрим турларини лицензиялаш тартибини ҳам осонлаштириш кўзланмоқда. Бу 2025 йилгача туризм соҳасини ривожлантириш концепцияси лойиҳасида назарда тутилган, деб ёзади Norma.   

Виза режимини соддалаштириш
 
ЕИ мамлакатлари ва чиқиш туризми ривожланган бошқа минтақалар фуқаролари учун виза тартиб-таомилларини янада соддалаштириш режалаштирилмоқда. 10.02.2018 йилдан бошлаб 7 та давлат фуқаролари учун Ўзбекистонга кирган кундан эътиборан 30 кунлик муддатга визасиз режим, шунингдек 39 та давлат фуқаролари учун виза олишнинг соддалаштирилган тартиби белгиланганлиги ҳақида илгари хабар берилган эди.
 
Икки томонлама аҳдлашув асосида учинчи мамлакатлар учун Ўзбекистон ва Қозоғистоннинг ягона кириш визасини жорий этиш, кейинчалик бошқа мамлакатларни иштирок этиш учун таклиф қилиш масаласини ишлаб чиқиш режалаштирилган.
 
Турар жойни ижарага бериш шартномаларини тузиш тартиби соддалаштирилади
 
Турар жойни (хусусий квартиралар ва уйларни) 30 кунгача қисқа муддатли ижарага беришнинг соддалаштирилган тартибини белгилаш режалаштирилмоқда.
 
ҚҲТБТ порталида муҳокама қилиш учун жойлаштирилган Вазирлар Маҳкамасининг «Айрим турдаги жойларни вақтинча яшаш учун бериш тартибини такомиллаштиришга доир қўшимча чора-тадбирлар тўғрисида»ги қарори лойиҳасида янги тартиб батафсил баён этилган.
 
Ҳужжат лойиҳасига кўра, фаолият юритаётган «emehmon.uz» меҳмонхоналар ва бошқа жойлаштириш воситаларида ижарада турувчилар ҳисобини юритувчи электрон автоматлаштирилган дастур негизида жисмоний ва юридик шахслар мулкида бўлган турар жойларни 30 суткагача қисқа муддатли ижарага бериш шартномаларини рўйхатдан ўтказиш бўйича ягона электрон тизимни яратиш режалаштирилмоқда.
 
Тизимдан қуйидаги мақсадларда фойдаланилади:

• кўпи билан 30 суткагача муддатга Ўзбекистонга келаётган хорижий фуқаролар ва фуқаролиги бўлмаган шахсларни вақтинча рўйхатдан ўтказиш;