Тошкент ҳокимлиги Қозоғистонга пуллик йўл қуришни режалаштирмоқда

Тошкент ва Қозоғистоннинг Чимкент шаҳрини пуллик йўл боғлаши мумкин. Пойтахт ҳокимлигида Хитойнинг China Railway 14th Bureau Group Co Ltd компанияси билан ҳамкорликда йўл қуриш имкониятлари муҳокама қилинди.

Фото: Тошкент шаҳар ҳокимлиги ахборот хизмати

Бундан ташқари, Тошкентдан Чимёнга йўналиш бўйича ҳам пуллик йўл пайдо бўлиши мумкин.

Шунингдек, учрашув қатнашчилари қурилиш соҳасида мутахассислар тайёрлаш бўйича курслар очиш ташаббусини кўриб чиқишди. Учрашув якунида Хитой услуби бўйича таълим беришга базавий майдончалар сифатида тўртта профессионал коллеж танланди.

Эслатиб ўтамиз, аввалроқ Жиззахда пуллик автотрасса қурилиши мумкин экани хабар берилганди.