«Golden Boy» мукофоти учун даъвогарлар бешлигидан Мбаппега жой топилмади

Tuttosport нашри анъанавий «Golden Boy» совринини қўлга киритишга номзод футболчиларнинг қисқартирилган рўйхатини тақдим этди.

Даъвогарларнинг якуний бешлигидан қуйидаги футболчилар жой олишган:

- Маттейс де Лигт («Аякс», 1999 йилда туғилган)
- Трент Александер-Арнолд («Ливерпуль», 1998)
- Жастин Клюйверт («Рома», 1999)
- Винисиус Жуниор («Реал», 2000)
- Патрик Кутроне («Милан», 1998)

Мукофот Европа чемпионатларида тўп сурувчи 21 ёшгача бўлган футболчиларга топширилади. Соврин Италиянинг Tuttosport газетаси томонидан 2003 йилда таъсис этилган бўлиб, ғолиб The Times (Англия), France Football (Франция), Mundo Deportivo (Испания), Bild (Германия), A Bola (Португалия) каби нашрларда фаолият юритувчи журналистлар берган овозларга кўра аниқланади.

Бу сафарги овоз бериш жараёнида турли мамлакатлардан бўлган 30дан зиёд журналистлар иштирок этган. Октябрь ойи бошида рўйхатнинг кенгайтирилган варианти тақдим этилган, ундан қуйидаги 40 нафар футболчи ўрин олган эди.

«Golden Boy» 2017 йилда «ПСЖ» ҳужумчиси Килиан Мбаппега топширилган.