InSight қурилмаси Марсдан селфи жўнатди
26 ноябрда Марсга қўнган InSight тадқиқот қурилмаси Қизил сайёрадан иккинчи суратни юборди. Бу ҳақда NASA ахборот агентлиги маълум қилди.
“InSight қурилмасининг қўлидаги камера қурилма Қизил сайёрага қўнган кунидаёқ Марс сиртининг суратини олди”, дейилган хабарда.
NASA’нинг маълум қилишича, сурат Ерга ҳозирда Марс атрофида орбита бўйича ҳаракатланаётган Odyssey қурилмаси ёрдамида юборилган.
Аввалроқ қурилма Марсга қўниши билан у ердан илк суратни жўнатганди. Бироқ сурат қурилманинг чангланган ойнаси сабабли унча сифатли чиқмаган.
Автоматик бошқарилувчи InSight қурилмаси Марс томон 5 май куни учирилган ва узоқ давом этган парвоздан кейин 26 ноябрда Қизил сайёрага қўнди. Қурилма 2 йил давомида сайёранинг ички тузилиши ва таркибини ўрганиш билан шуғулланади.
Мавзуга оид
00:49 / 12.09.2024
Хитой 2028 йилга бориб Марсга тарихий миссиясини амалга оширишни режалаштирмоқда
18:16 / 08.09.2024
Маск тўрт йилдан кейин одамлар Марсга учишини эълон қилди
16:27 / 13.08.2024
Марсда сув топилди, фақат у анча чуқурда жойлашган
23:38 / 20.12.2023