Фото: Patti Perret/Universal Studios
АҚШ кинотанқидчилар миллий кенгаши 2018 йилнинг энг яхши фильмини эълон қилди. Бу ҳақда ташкилот веб-сайтида хабар берилди.
Кенгаш версиясига кўра, энг яхши картинага режиссёр Питер Фарреллининг «Яшил китоб» комедияли биографик драмаси айланди. «Бу ажойиб дўстликка илиқ ва самимий нигоҳ», - дея қайд этиб ўтди кенгаш президенти Энни Шулхоф.
Шунингдек, бошқа номинациялар бўйича ғолиблар эълон қилинди. Йилнинг энг яхши режиссёрига Брэдли Купер («Юлдуз туғилди» фильми) айланди. Энг яхши актёр Вигго Мортенсен бўлди («Яшил китоб»), энг яхши актриса - Леди Гага («Юлдуз туғилди»).
Тақдирлаш маросими 8 январь куни бўлиб ўтади.
