Фото: Lawrence Jackson / AP Photo
Ўзбекистон Республикаси президенти Шавкат Мирзиёев АҚШнинг 41-президенти Жорж Герберт Уокер Бушнинг вафот этгани муносабати билан Америка Қўшма Штатлари президенти Дональд Трампга ҳамдардлик изҳор этди. Бу ҳақда давлат раҳбари матбуот хизмати хабар бермоқда.
Эслатиб ўтамиз, АҚШнинг 41-президенти катта Жорж Буш 1 декабрь куни 95 ёшида вафот этди.
Жорж Герберт Уокер Буш 1924 йилнинг 12 июнь куни Массачусетс штатининг Милтон шаҳрида туғилган, АҚШнинг 41-президенти (1989—1993 йилларда), Рональд Рейган даврида АҚШнинг 43-вице-президенти (1981—1989 йилларда), конгрессмен, дипломат, Марказий разведка директори.
Катта Жорж Буш 2017 йил 24 ноябридан АҚШнинг тарихдаги энг кўп умр кўрган президенти бўлиб келаётганди.
