Фото: www.donaldjtrump.com
АҚШ президенти Дональд Трамп Оқ уй ходимлари аппарати раҳбари Жон Келли ўз лавозимидан кетишини маълум қилди.
CBS телеканалининг хабар беришича, Келли лавозимидан йил охирида кетади. Трамп унинг ишини қадрлашини айтиб ўтган.
“Биз Жоннинг ўрнини ким эгаллашини эълон қиламиз. Бу вақтинчалик тайинлов бўлиши мумкин”, деб айтган Трамп ва бу борадаги қарорни яқин икки кун ичида эълон қилишини қўшимча қилган.
Келли бу лавозимга 2017 йил ёзида тайинлаган. Ўшанда у ички хавфсизлик вазири бўлган.
