Адонис Стивенсон фалажланди. У Александр Гвоздик томонидан нокаутга учратилганди

Канадалик профессионал боксчи Адонис Стивенсоннинг соғлиғи ҳолати ҳақида қўшимча тафсилотлар маълум бўлди.

2 декабрь куни Стивенсон украиналик боксчи Александр Гвоздик томонидан нокаутга учратилди, натижада у бош миядан оғир жароҳат олди. 41 ёшли спортчи сунъий кома ҳолатига туширилган.

Allboxing маълумотига кўра, ҳозирда Стивенсон кўзларини очган ва яқинлари билан мулоқот қилиш имкониятига эга, лекин танасининг ўнг томони ҳамон фалаж ҳолатда бўлиб турибди.

Эслатиб ўтамиз, аввалроқ бокс бўйича собиқ жаҳон чемпиони UFC президентини жангга чақирганди.