Мэй Британия тарихида «янги боб» ваъда қилди

Фото: AP

Британия бош вазири Тереза Мэйнинг мамлакат аҳолисига янги йил мурожаатида маълум қилишича, Европа иттифоқи таркибидан чиқиб кетганидан сўнг (Brexit), Буюк Британияни «янги боб» кутмоқда. Бу ҳақда ТАСС хабар берди.

«Янги йил - бу олдинга назар ташлаш вақти, ва 2019 йилда Бирлашган Қироллик янги боб очади», - дея айтиб ўтди Мэй.

Британия бош вазирининг мурожаатда қайд этишича, у ва унинг жамоаси Европа иттифоқи билан келишган, Brexit бўйича келишув мамлакат аҳолиси талабларига жавоб беради, шунингдек, 2016 йилги референдумга ҳам мос келади.

Эслатиб ўтамиз, аввалроқ ОАВ «қаттиқ» Brexit Германия учун янги харажатларга айланиши мумкин эканини маълум қилганди.