Денис Истомин Рожер Федерерга қарши кортга чиқади

Бугун, 14 январь куни Ўзбекистоннинг биринчи рақамли теннисчиси Денис Истомин Австралия Очиқ чемпионатидаги (Australian Open) иштирокини бошлайди. У турнирнинг илк босқичида швейцариялик Рожер Федерерга қарши кортга чиқади.

Маълумот учун, Истомин жаҳон рейтингида 101, Федерер эса 3-ўринни эгаллаб турибди. Шу кунгача теннисчилар олти марта ўзаро баҳс ўтказишган ва уларнинг барчасида швейцариялик теннисчининг қўли баланд келган.

Қайд этиш лозимки, Федерер Австралия Очиқ чемпионатининг 6 карра ғолиби ҳисобланади.

Учрашув бугун Тошкент вақти билан соат 14:30дан сўнг бошланади.