Порошенко Россия бўйича ваъда берди

Украина президенти Пётр Порошенконинг твиттердаги саҳифасида ёзишича, давлат раҳбари сифатида Россиянинг мамлакатдаги президентлик сайловларига таъсирини камайтиришга мажбурдир.

Унинг таъкидлашича, ҳозирги пайтда Украинадаги сайловларга таъсир кўрсатиш бўйича Россия «амалиёти» тўлиқ давом этмоқда. Шу билан бирга, Порошенко бу «амалиёт» нимадан иборат эканлигига аниқлик киритмади.

Президентнинг қўшимча қилишича, Украина раҳбари сайловларига Россия таъсирини камайтириш учун «ўзига боғлиқ барча нарсани» қилади. Унинг хулосасига кўра, сайловларни «эркин ва адолатли» қилишни, шунингдек, «юқори халқаро стандартларга» мос келишини таъминлашга интилади.

Эслатиб ўтамиз, аввалроқ Кремль Донбассдаги уруш бўйича ўз тахминини билдирганди.