Боливияда 19 январда икки автобус тўқнашуви оқибатида камида 22 киши ҳалок бўлди, 37 киши жароҳат олди. Бу ҳақда полицияга иқтибос келтирган ҳолда ABI ахборот агентлиги хабар берди.
Фожиа Чальяпата муниципалитетида юз берган, жабрланганлар яқин орадаги шаҳарлар шифохоналарига етказилган.
Ҳозир йўл-транспорт ҳодисаси тафсилотлари аниқлаштирилмоқда. Тўқнашув автобуслардан бири иккинчисидан ўтиб кетмоқчи бўлганда юз берган бўлиши тахмин қилинмоқда.
