Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг “Ўзбекистон Республикаси Вазирлар Маҳкамасининг “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ҳамда Ўзбекистон Республикасининг Меҳнат Кодексига ўзгартиш ва қўшимчалар киритиш ҳақида”ги Ўзбекистон Республикаси Қонунини амалга ошириш учун зарур бўлган норматив-ҳуқуқий ҳужжатларни тасдиқлаш ҳақидаги 2011 йил 7 апрелдаги 107-сон қарорига ўзгартириш ва қўшимчалар киритиш тўғрисида”ги қарори лойиҳаси жойлаштирилди.
Ҳужжат билан Ўзбекистон Республикаси Вазирлар Маҳкамасининг “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ҳамда Ўзбекистон Республикасининг Меҳнат Кодексига ўзгартиш ва қўшимчалар киритиш ҳақида”ги Ўзбекистон Республикаси Қонунини амалга ошириш учун зарур бўлган норматив-ҳуқуқий ҳужжатларни тасдиқлаш ҳақидаги 2011 йил 7 апрелдаги 107-сон қарорига ўзгартириш ва қўшимчалар киритилиши мумкин.
Пенсия тайинлаш учун зарур бўлган иш стажига эга бўлмаган қарияларга ва меҳнатга лаёқатсиз фуқароларга нафақалар тайинлаш ва тўлаш тартиби тўғрисидаги Низомнинг номланиши қуйидаги таҳрирда баён қилинади:
“Пенсия тайинлаш учун зарур бўлган иш стажига эга бўлмаган қарияларга, меҳнатга лаёқатсиз фуқароларга ҳамда болаликдан ногиронлиги бўлган фарзандларнинг оналарига нафақалар тайинлаш ва тўлаш тартиби тўғрисида низом”.
1-банднинг биринчи хатбоши қуйидаги таҳрирда баён қилинади:
“Ушбу Низом “Фуқароларнинг давлат пенсия таъминоти тўғрисида”ги Ўзбекистон Республикаси Қонунига мувофиқ давлат пенсияси тайинлаш учун зарур бўлган иш стажига эга бўлмаган қарияларга, меҳнатга лаёқатсиз фуқароларга ва болаликдан ногиронлиги бўлган фарзандларнинг оналарига ҳар ойлик нафақалар (кейинги ўринларда нафақа деб аталади) тайинлаш ва тўлаш тартибини белгилайди.”.
6-банд қуйидаги таҳрирда баён қилинади:
“6. Ёшга доир нафақа:
эркакларга – 65 ёшга етганларида;
аёлларга – 60 ёшга етганларида;
болаликдан ногиронлиги бўлган фарзандларнинг оналарига – 55 ёшга етганларида тайинланади.”.
8-бандда:
биринчи хатбошидаги “Иш стажига эга бўлмаган шахсга” деган сўзлардан кейин “(болаликдан ногиронлиги бўлган фарзандларнинг оналаридан ташқари)” деган сўзлар билан тўлдирилади.
