Фото: AFP
«Толибон» ҳаракати асосчиси Мулла Умарнинг ўғли Мулла Ёқуб Покистоннинг Пешовар шаҳрида йўқ қилинди. Бу ҳақда Эроннинг Irna давлат агентлиги афғон манбаларга таяниб хабар бермоқда.
Агентлик маълумотларига кўра, Мулла Ёқуб қуролланган номаълум шахслар томонидан ўғирлаб кетилган ва кейинчалик ўлдирилган.
Қайд этилишича, «Толибон» ҳозирча Мулла Ёқубнинг ўлими бўйича изоҳ бермади.
Эслатиб ўтамиз, ўтган йилнинг ноябрь ойида Покистонда «Толибон отаси» отиб кетилганди.
