Эрдўған Путин билан музокара ўтказиш учун Россияга келди

Фото: Umit Bektas / Reuters

Туркия президенти Ражаб Таййип Эрдўған бир кунлик ташриф билан Россияга келди. Бу ҳақда ўз манбасига таяниб ТАСС хабар берди.

Эрдўған Москвада Россия президенти Владимир Путин билан учрашади.

ТАССнинг маълум қилишича, Туркия президентига мамлакат ташқи ишлар ва мудофаа вазирлари, миллий разведка ташкилоти раҳбари ва бошқа қатор идоралар раҳбарлари ҳамроҳлик қилмоқда.

Аввалроқ Кремль Сурия шимоли ва Идлиб вилоятидаги вазият Путин ва Эрдўғаннинг диққат марказида бўлишини хабар қилганди.

#Владимир Путин #Ражаб Эрдўған