«Аякс» яримҳимоячиси Френки де Йонг фаолиятини «Барселона»да давом эттиради.
Клублар 21 ёшли футболчининг 75 миллион евролик трансферини келишиб олишди. Френки 2024 йилгача мўлжалланган шартномани имзолайди ва 1 июлдан бошлаб каталонияликлар таркибига қўшилади. Агар де Йонг «Барселона» таркибида муваффақиятли ўйнаса, «Аякс» яна 11 миллион евро бонус олиши мумкин бўлади.
Аввалроқ, «Пари Сен-Жермен», «Манчестер Сити» ва «Ювентус» клублари де Йонг хизматига қизиқиш билдираётгани ҳақида хабарлар тарқалган эди.
Жорий мавсумда футболчи Голландия чемпионатида 15та ўйин ўтказиб, 3та гол урган.
