The Guardian Ўзбекистоннинг саккиз шаҳрига ташриф буюришни тавсия қилди

Британиянинг The Guardian нашри Ўзбекистон бўйлаб батафсил гидни тақдим этди, у бир ой муддатга мўлжалланган.

Нашр ўз ўқувчиларига «Буюк ипак йўлининг мероси, чўл ландшафтлари, Тошкент метроси ва Самарқанд ҳамда Бухоро шаҳарларини сайёҳлар янги, қулай виза қоидалари билан рағбатлантирилаётган мамлакатда» ўрганишни таклиф этмоқда.

Газета саккиз шаҳарга боришни тавсия қилди: Тошкент, Марғилон, Андижон, Қўқон, Самарқанд, Бухоро, Нурота ва Нукус.

Мақола муаллифи ҳар бир шаҳарга ташриф буюриш ҳақида тавсиялар бериб, у ерга қандай бориш, қаерда тўхташ, нима истеъмол қилиш ва қанча тўлаш кераклиги ҳақида батафсил маълумот тақдим этган.

Муаллиф кунига минимал бюджетни 20-30 фунт стерлинг (26-40 доллар) миқдорида белгилаган.

Эслатиб ўтамиз, аввалроқ The Guardian 2019 йилда Ўзбекистон ва Қирғизистонга ташриф буюришни тавсия қилганди.