Фото: Мойка78
Петербургда Кимё-фармацевтика академиясининг талабаларига муз бўлаги тушиб кетди. Улардан бири - 23 ёшли Б.О. - ҳалок бўлди. Иккинчиси Мариинский касалхонасига олиб кетилди.
Россия ОАВнинг хабар беришича, фожиа кундуз куни содир бўлган. Рўй берган воқеа видеокузатув камераларига муҳрланган. Ёзувларга кўра, муз парчаси анча катта бўлган. Б.О. воқеа жойида ҳалок бўлган. Унинг шериги жароҳатлангани туфайли Мариинский касалхонасига олиб кетилди.
Б.О. Санкт-Петербург давлат Кимё-фармацевтика университетининг фармацевтика факультети бешинчи босқичида таҳсил олган. Бу шаҳарга у ўз оиласи билан Ўзбекистондан келган.
