Россия йўлларида «суперасфальт» пайдо бўлади

Фото: ИЗВЕСТИЯ/Павел Бедняков

«Росавтодор» Россия йўлларини «суперасфальт» билан қоплаш режалари ҳақида маълумот берди, деб хабар қилмоқда «Известия».

Қайд этилишича, «суперасфальт» технологияси минтақалардаги транспорт ҳаракати тезлиги ва иқлим шароитини эътиборга олади. Бундан ташқари, бу қоплама одатдаги асфальтдан икки баробар кўпроқ вақт давомида хизмат қилади.

«Кейинги икки йил ичида «суперасфальт» Россиядаги 1 минг км йўлда пайдо бўлади», - дейилади материалда.

Мутахассисларнинг фикрига кўра, технологиядаги камчилик унинг юқори нархидадир, шунинг учун у федерал автомобиль йўллари учун ишлатилади.

#Россия #асфальт