Қўшимча функционаллар
-
Тунги кўриниш
Спорт | 14:38 / 23.02.2019
13686
1 дақиқада ўқилади
«2000 фоиз!» - «ПСЖ» хўжайини Мбаппе ва Неймарнинг келажагига ойдинлик киритди
Фото: Getty Images
«Пари Сен-Жермен» клуби президенти Носир Ал-Хилайфий ҳужумчилар Килиан Мбаппе ва Неймарнинг келажаги ҳақидаги саволга жавоб берди.
«Мбаппе ва Неймарнинг клубда қолишига 100 фоиз аминманми? 100 фоиз эмас, 2000 фоиз аминман. Улар Парижда қолади.
Матбуотда уларни сотиб юборишга мажбур эканлигимиз ҳақида хабарлар тарқалган эди. Аммо буни инкор қиламан, Килиан ва Неймар ҳеч қаерга кетмайди.
Албатта биз молиявий фэйр-плей қоидасини бузмасдан янги футболчиларга пул сарфлашимиз лозим. Аммо биз бунда қийинчилик кўрмаяпмиз. Янги футболчилар учун захира маблағларимиз етарли», - деди Ал-Хилайфий.
Аввалроқ, Неймарнинг «Реал»га ўтиши ёки «Барселона»га қайтиши ҳақида хабарлар тарқалган эди.
