AliExpress россияликларга автомобиль сотишни йўлга қўяди

Фото: РИА Новости

AliExpress Россияда автомобилларни онлайн сотишни йўлга қўяди, деб хабар берди «Коммерсантъ».

Савдога биринчи бўлиб Хитойнинг Chery компанияси ўзининг Chery Tiggo 3, 4, 5 ва 7 кроссоверларини қўяди.

Келгусида онлайн платформадаги автомобиль брендлари сонини ошириш режалаштирилган. Компания харидорларни қўшимча ассортимент ва махсус таклифлар орқали жалб этмоқчи.

AliExpress вакилларининг айтишларича, мижозларнинг автомобиль ва мотоциклларга мўлжалланган маҳсулотларга қизиқиши анчадан буён кузатилмоқда.

Аввалроқ россиялик миллиардер Алишер Усмонов AliExpress Russia’ни очмоқчи эканлиги хабар қилинганди.