Эфиопияда қулаган Boeing бўйича янги тафсилотлар пайдо бўлди

Ethiopian Airlines авиакомпаниясининг Boeing 737 MAX 8 йўловчи самолёти парвозга кўтарилганидан сўнг ҳаддан ташқари тезлашиб кетган, деб ёзмоқда The New York Times газетаси кема капитанининг диспетчер билан музокараларини эшитган манбага таянган ҳолда.

Унинг сўзларига кўра, Boeing Аддис-Абебедаги аэропортдан парвозга чиққанидан уч дақиқа ўтиб, самолёт капитани «ваҳимали овозда» қўнишга рухсат беришни сўраган. Унинг таъкидлашича, бу пайтда диспетчерлар бошқа икки бортнинг қўнишини мувофиқлаштириш билан банд бўлишган.

Газетадан қўшимча қилинишича, манба ўз номини ошкор этмаган, сабаби музокаралар ҳозирги вақтга қадар эълон қилинмади.

Бундан олдин, Лотин Америкаси давлатларида Boeing 737 MAX парвозлари тақиқланганди.