Жорий йилнинг 17 март куни Тошкент шаҳрида кўнгилли фаоллардан ташкил топган Tashkent runners жамоаси томонидан Рlogging ўтказилди. Унда ўнлаб бефарқ бўлмаган фуқаролар эко юришни амалга оширишди, деб хабар бермоқда Kun.uz мухбири.
Якшанба куни Tashkent runners жамоаси кўмагида Hashar week ташаббускорлари томонидан ўтказилган акциянинг якуний босқичи бўлиб ўтди.
Рlogging икки муҳим мақсадни – югуриш ва атроф-муҳитга ғамхўрлик қилишни ўз ичига олганлиги билан аҳамиятли. У Скандинавия давлатларида оммалашган спорт ҳаракатларидан бирига айланган.
Атиги 1 соат давом этган акция доирасида жамоанинг 30 нафар аъзоси шаҳар марказидан 40 қоп чиқинди йиғишга эришди. Рlogging сўнгида Tashkent runners асосчилари ушбу акцияда энг кўп чиқинди йиққан иштирокчиларни 3 йўналишдаги номинация бўйича тақдирлашди.