Жазоир Boeing 737 MAX парвозларини тақиқлади

Жазоир фуқаролик авиацияси бошқармаси мамлакат ҳаво ҳудудини Boeing 737 MAX учун ёпиб қўйди. Бу ҳақда Reuters хабар бермоқда.

Агентлик маълумотларига кўра, идора Жазоир ҳудудида бундай самолётларнинг парвози, қўниши ҳамда парвозга кўтарилишини тақиқлаб қўйган.

Қайд этилишича, бундай қарор Эфиопиядаги Boeing 737 MAX 8 авиаҳалокатидан сўнг қабул қилинди.

Аввалроқ, Boeing 737 MAX самолётлари етказиб беришни тўхтатгани ҳақида хабарлар тарқалганди.

Boeing 737 MAX самолёти Эфиопиянинг Дабра-Зайт шаҳри яқинида 10 март куни эрталаб қулади. Фожиа оқибатида 157 киши қурбон бўлди.

Бундан олдин, Эфиопияда қулаган Boeing бўйича янги тафсилотлар пайдо бўлганди.