Ўзбекистон Республикаси Мудофаа вазирлигида янги тайинлов рўй берди, деб хабар қилмоқда вазирлик матбуот хизмати.
Ўзбекистон Республикаси Президентининг тегишли фармойишига кўра, Шимоли-ғарбий ҳарбий округи қўшинлари қўмондони лавозимида хизмат қилиб келган полковник Фарҳоджон Набижонович Ортиқов лавозимидан озод этилиб, Чирчиқ олий танк қўмондонлик-муҳандислик билим юрти бошлиғи лавозимига тайинланди.
Унинг ўрнига округ қўшинлари қўмондони этиб Шарқий ҳарбий округига қарашли Ғурумсарой гарнизонидаги ҳарбий қисмларнинг бирида командир лавозимида хизмат қилиб келаётган полковник Дилшод Садуллоевич Чориев тайинланди.