Муштипар оналар... Улар ҳаёт сўқмоқларида не-не паст-баландликларни кўрмайди дейсиз?! Бу содда қалб эгалари рўзғор ташвишлари, фарзандлар учун елиб-югуришлардан ҳеч толиқмайди, чарчамайди. Биз яшаб турган дунёда шундай оналар борки, улар ҳар куни, ҳар дақиқада руҳан азобланади. Уларнинг фарзандлари нуқсонга эгалиги сабаб бир дақиқа кўзга уйқу олиши даргумон.
Шундай оилалардан бири ҳақида таҳририятимизга хабар келиб тушди ва бу инсонлар олдига йўл олдик. Тошкент вилояти, Зангиота тумани, Рамадан кўчасида истиқомат қилувчи оиланинг тўнғич фарзанди Юлдузхон оғир хаста. Бемор қизалоқнинг онаси Зироат опа билан шу масалада суҳбатлашдик.
Видео: Mover (tas-ix)
Видео: Youtube
«Бизнинг 3 нафар фарзандимиз бор. Катта қизим Юлдузхон. Бу қизим ўзи кеч юрди. Кейинги фарзандимдан ҳам кечроқ юрди. Маълум вақт ўтгандан сўнг билсак, орқасидан суяк ўсиб чиқибди. Дўхтирларга олиб бордик. Қизингиз сал катта бўлсин, дейишди. Ҳар хил ташхислар қўйишди. Шифокорлар ўз ҳолига қўйиб қўяверинглар дейишди. 10 йил ичида яхши юрди. Энди эса бу нарса юрагини сиқиб қўядиган бўлди. Бемалол ётишига ҳам халақит қилади. Кейин педиатрия институтига бордик. Улар бизда Ўзбекистонда операция қилиб бўлмайди, дейишди. «AKFA MEDLINE»га бордик. У ердагилар ҳиндистонлик дўхтирлар келишади, уларга кўрсатайлик-, деб тавсия қилишди. Ҳиндистонлик мутахассислар МРТ ва бошқа аппаратларга тушириб, текшириб кўрдилар. Ҳиндистонга олиб борсак, операция қилишни, операция сифатига кафолат беришларини айтишди. Ҳиндистондан суриштирган эдик, 17 минг АҚШ долларига яқин маблағ кетишини айтиб, зарур ҳужжатларни жўнатишди.
Қизим ҳозир бир оёғини ҳам яхши босолмаяпти. Белининг орқа қисмида ўсиб бораётган суяк юракка яқинлашиб қолган. Шу сабаб, битта ўпкага таъсир қилган. У ҳам юракни сиқиб қўйибди. Бу ҳаёт учун хавфли, юракка етиб борса, фарзандимиздан ажралиб қолишимиз мумкин экан. Зудлик билан операция қилмасак бўлмас экан. Шароитимиз эса буни кўтара олмайди. Ўзим шифохонада санитар бўлиб ишлайман. Хўжайиним электр устаси. Ўзим 600 минг, хўжайиним 800 минг сўм ойлик оламиз. Лекин, ҳаётимиздан нолимаймиз, барибир», – дейди муштипар она кўзларидаги ёшни тия олмай.
Камтаргина ҳаёт кечираётган бу оиладаги муҳит бизда ўзгача илиқ таассурот қолдирди. Она ва бола, опа ва сингиллар ўртасида асрлар оша шаклланган ўзбекона руҳдаги меҳр-оқибат яққол кўзга ташланиб турар эди. Аммо оиланинг тўлиқ хурсандчилиги учун биргина нарса – моддий муаммо бор. Бир кам дунё шудир балки...
Улкан қалб эгаси бўлган саховатли биродар! Келинг, кўнгли ярим, қалби кемтик бу қизимизга ёрдам берайлик. Ҳам оғир хасталикдан, ҳам йиллар давомида қийнаб келган нуқсондан бу қизалоқни халос этишда сабабчи бўлайлик. Онасининг ҳам кўзидан оқаётган ғам кўз ёшлари қувонч ёшларига айлансин. Юлдузхоннинг қалб тубидаги орзуларига эришишга кўмак бериб, дастак бўлайлик.
Зироат Джайлабаева (онаси) номига очилган пластик карточка:
Click/PayMe: 8600 0417 4748 5150 (Агробанк)
Visa карта: 4187 8200 0024 4986
МФО: 00394
ИНН: 201200124
Нақд пул топширганда: 23116000600000394001
Мижоз аризасига асосан картадан картага пул ўтказилганда: 23118000400000394001
Бошқа ташкилотлардан келиб тушган маблағлар транзити: 23120000900000394001
Телефон рақами: (90) 907 41 47
(99) 885 75 84
Баҳодир Аҳмедов
Ҳурматли "UZCARD" карточка эгалари! "UZCARD" тизими сизни огоҳлантиради!
Ҳеч кимга ва ҳар қандай вазиятда пластик картангизга тааллуқли маълумотларни, айниқса телефон рақамингизга кирувчи СМС хабарларни (масалан, То'lovni tasdiqlash kodi: 123456. Kodni hech kimga bermang" ёки "Код oplati. Nikomu ne soobshayte etot kod. 123456") ошкор қилманг. Сизга ёрдам пулини пластик карточкасидан ўтказиб бераётган номаълум шахс телефон орқали мурожаат қилиб мобил телефонингизга келиб тушаётган СМС — кодлар тўғрисидаги маълумотларни билмоқчи бўлаётганини сезган бўлсангиз, билингки ушбу шахс фирибгарлик йўли билан карточка ҳисоб рақамингиздаги пул маблағларини ўғирлашга уринмоқда. Агар карта ҳисоб рақамингиздан пул маблағлари ўғирланаётганини сезган бўлсангиз дарҳол карточкангизни олган банкингизга картани блоклаш учун мурожаат қилишингиз ёки ушбу амалиётни бевосита ўзингиз мобил ёки веб иловада бажаришингиз мумкин.
