«Реал» Погба учун тайёрлаётган таклифнинг қиймати маълум қилинди

«Реал» «Манчестер Юнайтед» яримҳимоячиси Поль Погбага асосий трансфер мақсадларидан бири сифатида қарамоқда.

The Sun маълумотига кўра, Мадрид клуби 26 ёшли хавбек учун 125 млн фунт қийматидаги таклиф тайёрламоқда. Аввалроқ «қаймоқранглилар» бош мураббийи Зинедин Зидан ўз ҳамюртини жамоасида кўришни истаётгани хабар қилинганди.

Погбанинг «қизил иблислар» билан битими 2021 йил 30 июнгача мўлжалланган. У ушбу клубда 2016 йилдан буён ўйнаб келади, жамоа таркибида бир марта Европа Лигасида ғолиб чиқди.

Поль бу мавсум «МЮ»нинг 37та ўйинида қатнашиб, 14+10 маҳсулдорлик кўрсаткичига эришган.