Дам олиш кунлари Италия чемпионатида 35-тур ўйинлари ўтказилди. Унда эътиборга лойиқ бўлган бир қанча воқеалар юз берди.
ТУРИН ДЕРБИСИДА КУЧЛАР ТЕНГ КЕЛДИ
«Ювентус» ўз майдонида «Торино» билан ўйнади. Чемпион учун бу баҳс мусобақа нуқтаи назаридан ҳеч қандай аҳамият касб этмаса-да, Аллегри Турин шаҳри дербисига асосий таркибни туширмасликка ҳаққи йўқ эди. Чемпионлар Лигаси йўлланмаси учун кураш олиб бораётган «Торино»нинг эса иштиёқи баланд бўлди.
1-бўлим тенг курашлар остида ўтди. Бироқ, меҳмонлар рақиб хатосидан унумли фойдаланиб қолишди. Куадрадо ва Пьяничнинг эътиборсизлигидан сўнг, тўпни эгаллаб олган Лукич дарвозанинг узоқ бурчагини аниқ нишонга олди. Шундан сўнг «Торино» ишончли тарзда ўйнади ва рақибга ўз дарвозаси олдида хавфли вазият яратишга деярли имкон бермади. Бироқ катта саҳнага «Ювентус» ҳужумчиси Криштиану Роналду чиқди. У сўнгги дақиқаларда Спинаццола томонидан етказилган тўпни боши билан дарвоза тўрига йўллаб, ҳисобни тенглаштирди ва жамоадошларини танқид ўқларидан қутқариб қолди – фанатлар ва раҳбарият уй дербисидаги мағлубиятни оқламаган бўлишарди.
Бу натижадан сўнг «Ювентус»нинг очколари 89тага етди, «Торино» 57 очко билан 6-ўринда бормоқда.
Ювентус – Торино 1:1 (0:1, 1:0)
3 май, «Альянц Стэдиум» стадиони
Голлар: 0:1 – 18 Лукич, 1:1 – 84 Роналду.
Ювентус – Шченсни, Жоау Канселу, Бонуччи, Кьеллини, Спинаццола, Куадрадо (Матеус Перейра, 78), Пьянич, Матюиди, Бернардески (Де Шильо, 85), Роналду, Кин.
Торино – Сиригу, Иццо, Нкулу, Бремер, де Сильвестри (Дзадза, 89), Мейте, Ринкон, Лукич (Айна, 79), Ансальди, Белотти, Беренгер (Базелли, 70).
Огоҳлантиришлар: Матюиди (34), Ринкон (49), Лукич (68), Бонуччи (71), Бернардески (82), Бремер (90).
«НАПОЛИ» 98-ДАҚИҚАДА УРИЛГАН ГОЛ ЭВАЗИГА ҒАЛАБА ҚОЗОНДИ
«Наполи» ўз майдонида «Кальяри»ни қабул қилди. Ҳар иккала жамоанинг мусобақадаги кураш иштиёқи аллақачон сўнган эди. «Наполи» чемпионни қувиб ўтолмаслиги ва 2-ўринни ҳам бой бермаслиги аниқ, «Кальяри» эса А Сериядаги ўрнини сақлаб қолган эди.
1-бўлим зерикарли тарзда ўтди, жамоалар дарвоза томон бирорта аниқ зарба йўллай олмадилар. 63-дақиқада «Кальяри» тезкор қарши ҳужумни уюштирди ва Паволетти аниқ зарба билан ҳисобни очди. Шундан сўнг ўйин жонланди. Мезбонлар рақиб дарвозаси олдида хавфли вазиятларни кетма-кет ярата бошладилар. 85-дақиқада эса Мертенс ҳимоячилардан илдамроқ ҳаракат қилиб, боши билан тўпни дарвозага йўллади ва ҳисобни тенглаштирди. Ҳакам томонидан қўшиб берилган дақиқаларнинг саккизинчисида «Наполи» ғалаба келтирувчи голни урди. Инсинье тўп ҳимоячининг қўлига текканидан сўнг белгиланган пенальтини аниқ амалга оширди.
Бу ғалаба «Наполи»га 73 очко жамғариб, кумуш медалларни муддатидан олдин қўлга киритишига ёрдам берди.
Наполи – Кальяри 2:1 (0:0, 2:1)
5 май, «Сан-Паоло» стадиони
Голлар: 0:1 – 63 Паволетти, 1:1 – 85 Мертенс, 2:1 – 90, пенальти Инсинье.
Наполи – Мерет, Хюсай, Альбиоль, Кулибали, Ғулом, Верди (Кальехон, 61), Аллан (Фабиан Руис, 61), Зелиньски, Юнус (Милик, 64), Мертенс, Инсинье.
Кальяри – Краньо, Каччаторе, Чеппителли, Романья, Ликояннис, Дейола (Падоин, 70), Чигарини, Ионицэ, Барелла, Паволетти (Пизакане, 88), Черри (Жоао Педро, 74).
Огоҳлантиришлар: Юнус (61), Черри (72), Инсинье (90), Чигарини (90), Барелла (90).
Четлатиш: Ионицэ (89).
«ИНТЕР» САФАРДА ОЧКО ЙЎҚОТИБ, РАҚОБАТЧИЛАРНИ ЎЗИГА ЯҚИНЛАШТИРДИ
«Интер» сафарда «Удинезе» билан ўйнади. Жамоа тўп назорати, зарбалар ва бурчак зарбалари сони бўйича катта устунликка эга бўлди. Бироқ ҳақиқий хавфли вазиятларни деярли ярата олмади. Рақибнинг ёпиқ ва ҳимоявий ўйинида «Интер» дарвозага йўл тополмади. «Удинезе» баъзан қарши ҳужумларга ўтиб турди, аммо «Интер» ўз дарвозаси олдида ишончли тарзда ўйнади. Мезбонлар бу ўйинда муҳим очкони қўлга киритишган бўлса, «Интер» шундай очколарни йўқотди.
«Удинезе» 34 очко билан 17-ўринни эгаллаб, қуйи лигага тушиб кетиш хавфи остида турибди. «Интер» 63 очко билан 3-ўринда бормоқда ва рақобатчиларини ўзига яқинлаштирди.
Удинезе – Интер 0:0
4 май, «Фриули» стадиони
Удинезе – Муссо, Ларсен, Де Майо, Нюйтинк, Д'Алессандро (Уилмот, 81), Мандрагора, Сандро (Хадльвредссон, 73), Зегелар, Пуссетто (Окака Чука, 61), де Пауль, Лазанья.
Интер – Ханданович, Д`Амброзио, де Врей, Шкриньяр, Асамоа, Валеро (Икарди, 63), Брозович, Политано (Кандрева, 77), Наингголан, Перишич, Мартинес (Кейта Бальде, 79).
Огоҳлантиришлар: Сандро (13), Д`Амброзио (15), Валеро (40), Брозович (66).
«АТАЛАНТА» ЧЕМПИОНЛАР ЛИГАСИ ЙЎЛЛАНМАСИ УЧУН КУРАШУВЧИЛАР ОРАСИДА ФАВОРИТ БЎЛИБ ОЛДИ
Чемпионлар Лигасида иштирок этиш ҳуқуқини берувчи 4-ўрин учун кураш бир градус бўлса-да совумади. Сўнгги ўйинларни кўтаринки руҳда ўтказаётган «Аталанта» бунда яққол фаворитга айланди. Гасперини шогирдлари Римда «Лацио» билан беллашиб, 3:1 ҳисобидаги ишончли ғалабани қўлга киритишди. Натижада 62 очко билан 4-ўринга чиқиб олишди. Энди жамоани 3-ўринда бораётган «Интер»дан атиги 1 очко ажратиб турибди. Агар «Аталанта» суръатни пасайтирмаса, Италия чемпионати бронза медалларини ҳам қўлга киритиши мумкин.
Чемпионлар Лигаси йўлланмаси учун курашаётган бошқа жамоалар очко йўқотишди. «Рома» сафарда «Женоа» билан ўйнади ва сўнгги дақиқада ўтказиб юборилган гол туфайли очколарни йўқотди. «Торино» Турин дербисида «Ювентус» билан дуранг ўйнади.
«Милан» 6 май куни кечқурун ўз уйида «Болонья» билан беллашади.
35-ТУРНИНГ БАРЧА НАТИЖАЛАРИ
3 май
Ювентус – Торино 1:1 (0:1, 1:0)
Голлар: 0:1 – 18 Лукич, 1:1 – 84 Роналду.
4 май
Кьево – СПАЛ 0:4 (0:1, 0:3)
Голлар: 0:1 – 8 Фелипе, 0:2 – 47 Флоккари, 0:3 – 55 Фелипе, 0:4 – 81 Куртич.
Удинезе – Интер 0:0
5 май
Эмполи – Фиорентина 1:0 (0:0, 1:0)
Гол: 1:0 – 54 Фариас.
Четлатиш: Верету (90, Фиорентина).
Парма – Сампдория 3:3 (1:2, 2:1)
Голлар: 1:0 – 2 Гаццола, 1:1 – 28, пенальти Куальярелла, 1:2 – 38 Дефрель, 1:3 – 61 Куальярелла, 2:3 – 67, пенальти Куцка, 3:3 – 71 Бастони.
Четлатишлар: Колли (88, Сампдория), Куцка (90, Парма).
Лацио – Аталанта 1:3 (1:1, 0:2)
Голлар: 1:0 – 3 Пароло, 1:1 – 22 Сапата, 1:2 – 58 Кастань, 1:3 – 76, автогол Уоллес.
Сассуоло – Фрозиноне 2:2 (0:2, 2:0)
Голлар: 0:1 – 8 Саммарко, 0:2 – 36 Паганини, 1:2 – 66 Феррари, 2:2 – 77 Бога.
Женоа – Рома 1:1 (0:0, 1:1)
Голлар: 0:1 – 82 Эл-Шаарави, 1:1 – 90 Ромеро.
Наполи – Кальяри 2:1 (0:0, 2:1)
Голлар: 0:1 – 63 Паволетти, 1:1 – 85 Мертенс, 2:1 – 90, пенальти Инсинье.
Четлатиш: Ионицэ (89, Кальяри).
6 май
23:30 Милан – Болонья
А СЕРИЯ ЖАДВАЛИ
А СЕРИЯ ТЎПУРАРЛАРИ
25 - Фабио Куальярелла (Сампдория, 8 пен)
22 - Дуван Сапата (Аталанта, 1), Кшиштоф Пёнтек (Женоа/Милан, 2)
21 - Криштиану Роналду (Ювентус, 5)
17 - Аркадиуш Милик (Наполи)
15 - Франческо Капуто (Эмполи, 3)
14 - Андреа Петанья (СПАЛ, 5), Чиро Иммобиле (Лацио, 4), Дрис Мертенс (Наполи, 1)
36-ТУР ЎЙИНЛАРИ
11 май
Аталанта - Женоа
Кальяри - Лацио
Фиорентина - Милан
12 май
Торино - Сассуоло
Сампдория - Эмполи
Фрозиноне - Удинезе
СПАЛ - Наполи
Рома - Ювентус
13 май
Болонья - Парма
Интер - Кьево
«Фрозиноне» А Сериядаги ўрнини сақлаб қололмади
«Фрозиноне» Италияда А Серияни тарк этадиган иккинчи омадсиз клуб бўлди. Мусобақа якунланишига уч тур қолганида Марко Барони шогирдлари 17-ўриндан 10 очко ортда боришмоқда.
Лацио ҳудуди вакили А Серияни сўнгги 4 мавсумда 2-марта тарк этмоқда. Жамоа юқори лигада 1 мавсумдан ортиқ муддат давомида ўз ўрнини сақлаб қололмаяпти. Аввалроқ, А Серияни «Кьево» тарк этганди.
Мертенс «Наполи» тўпурарлари рўйхатида Марадонадан ўзиб кетди
«Наполи» ҳужумчиси Дрис Мертенс «Кальяри»га (2:1) қарши ўйинда дарвозани ишғол қилишга муваффақ бўлди.
Gracenote хабарига кўра, бу бельгиялик футболчининг неаполликлар сафидаги А Серияда урилган 82-голи бўлди. Натижада у афсонавий Диего Марадонани (81та гол) ортда қолдириб, учинчи ўринга чиқиб олди.
«Наполи»нинг А Сериядаги тўпурарлари рўйхатида Антонио Вояк (102та гол) ва Марек Ҳамшик (100та гол) 31 ёшли Мертенсдан олдинда боришмоқда. Қайд қилиш жоизки, умумий ҳисобда Мертенс «Наполи» таркибида барча мусобақаларда 107та гол уриб, тўртинчи ўринни эгаллаб турибди.
Раньери «Лацио»ни ўйинни сотганликда айблади – Италияда янги можаро
«Рома» бош мураббийи Клаудио Раньери А Серия 35-туридан ўрин олган «Женоа»га қарши ўйиндан олдинги матбуот анжуманида «Лацио» клубини 2010 йилда ўйинни сотганликда айблади.
«Лацио» «Аталанта»дан очко олишга қодирми? Билмадим. Улар «Аталанта»га ўйинни бой бериши ҳам мумкин, худди 2010 йилда «Интер»га атайин ютқазгани каби», - деди Раньери.
Италия Футбол Федерациси воқеага зудлик билан муносабат билдирди. Прокурор Жузеппе Пекораро матбуот анжумани видеоёзувини тақдим қилишни сўради. Энди Раньери ўз сўзларига тушунтириш беришига тўғри келади.
Эслатиб ўтамиз, 2010 йили «Лацио» чемпионат якунланишига 2 тур қолганида ўз майдонида «Интер»га 0:2 ҳисобида ютқазган эди. Якунда «Рома» «нерадзурри»дан 2 очко ортда қолган ҳолда чемпионликни бой берди. Клуб раҳбарияти эса «Лацио»ни ўйинни сотганликда айблади. Ўша пайтда «Рома»ни айнан Раньери бошқарган эди.
Қайд қилиш жоизки, «Лацио» ўз майдонида «Аталанта»га 1:3 ҳисобида ютқазди. «Рома» сафарда «Женоа» билан 1:1 ҳисобида дуранг ўйнади.
