08:24 / 14.05.2019
7261

WikiLeaks раҳбари Ассанжнинг АҚШга топширилишидан хавотир билдирди

Фото: РИА Новости / Джастин Гриффитс-Уилльямс

WikiLeaks асосчиси Жулиан Ассанж Швециядан АҚШга топширилиши мумкин, чунки қироллик одамларни топшириш борасида АҚШ билан “яхши тарих”га эга. Бу ҳақда сайтнинг бош муҳаррири Кристинн Храфнссон айтди.

“Швеция одамларни топшириш борасида АҚШ билан “яхши тарих”га эга. Стокҳолм томонидан Марказий разведка бошқармаси қўлига кўплаб қочқинлар топширилган. Ҳамма нарса юз бериши мумкин”, деб айтган Храфнссон RT телеканалига берган интервьюда.

У шунингдек бу “юқори сиёсийлашган ишда кўплаб ғализликлар борлигига” эътибор қаратган. Мисол учун, унинг фикрича, Ассанжни номусга тегишда айблаган аёллар буни полиция босими остида қилишган. Ассанжга қарши иш 2 марта ёпилганига қарамай, у ҳар гал қайта бошланган.

“Шубҳасиз, сиёсий босим бор”, деб айтган Храфнссон ва суднинг ушбу иш бўйича қарори “сиёсий қарор” бўлишини қўшимча қилган.

13 май куни Швеция прокуратураси Швецияда номусга тегиш ва жинсий негиздаги бошқа жиноятларда айбланган Ассанжга қарши ишни тиклаган. Ушбу иш 2017 йилда Ассанж судга келмагани сабабли ёпилган эди. 

Швецияда 2010 йилда тегажоғлик қилиш ва зўрлашда айбланган Ассанж Швецияга топширилишидан хавотирланиб, 2012 йилда Эквадорнинг Лондондаги элчихонасида яширинган. Бироқ 2019 йил 11 апрелда у Швеция ва АҚШ ордерлари бўйича ҳибсга олинди. Журналист АҚШда давлат сирини ошкор қилишда айбланиб келади.

Мавзу
Жулиан Ассанж можароси
Журналист, WikiLeaks сайти асосчиси Жулиан Ассанж жосуслик можаролари ҳақидаги ўта махфий материалларни эълон қилиб келган. 2010 йилда Швецияда уни ҳибсга олиш учун ордер берилди. 2012 йилда Ассанж Эквадорнинг Лондондаги элчихонасига яширинди ва ушбу давлат раҳбариятидан сиёсий бошпана сўради. У етти йил давомида элчихонада яшади, 2019 йил 11 апрель куни Эквадор унга бошпана бўйи
Барчаси
Top