Бразилия миллий жамоаси ҳужумчиси Неймар Копа Америкада қатнаша олмайдиган бўлди.

Бразилия футбол конфедерацияси расмий сайтида билдирилишича, шифокорлар 27 ёшли футболчининг Қатарга қарши кечган ўртоқлик ўйинида (2:0) олган жароҳати етарлича жиддий, деган хулосага келишган.

Кечаги баҳсда асосий таркибда тушган Неймар ўнг оёғи тўпиғидан шикастланиб, 21-дақиқада Эвертон Соаресга алмаштирилган эди. Шундан сўнг у захира ўриндиғида ўтирар экан, кўз ёшларини тийиб тура олмади ва тиббий штаб ходимлари ёрдами билан кийим алмаштириш хонасига йўл олди.

Маълум бўлишича, у стадионни қўлтиқтаёқда тарк этган.