ЕТТБ Ўзбекистонга банк сектори бўйича таклифлар тақдим этди
Жорий йилнинг 4 июлида Европа тикланиш ва тараққиёт банки (ЕТТБ) делегацияси ва Инвестициялар ва ташқи савдо вазирлиги, Молия вазирлиги, Марказий банк ҳамда Давлат активларини бошқариш агентлиги раҳбарлари ўртасида учрашув бўлиб ўтди. Бу ҳақда Инвестициялар ва ташқи савдо вазирлиги матбуот хизмати хабар қилмоқда.
Йиғилишда республикадаги банк секторини ислоҳ қилиш ташаббуси доирасида ЕТТБ ва Ўзбекистон Республикаси ўртасидаги ҳамкорлик имкониятлари муҳокама қилинди.
Банк вакиллари банк-молия тизимини тизимли равишда ўзгартириш, республикадаги тижорат банкларини диагностика қилиш, тижорат самарадорлигини ошириш ва бозор иқтисодиётида ўрта ва узоқ муддатли ривожланиш стратегиясини шакллантириш учун активларни жойлаштиришни оптималлаштириш механизмларини жалб қилиш бўйича концептуал таклифларни тақдим етди.
Шунингдек, таклиф этилган ҳамкорлик шакли пост-трансформацион молиявий қўллаб-қувватлаш дастурларини, Ўзбекистон иқтисодиётига инвестиция киритиш ҳажмини оширишни назарда тутади.
Мулоқот чоғида ушбу ташаббусни амалга оширишга қаратилган турли ёндашувлар тингланди ва кўриб чиқилди. Учрашув якунида томонлар илгари сурилган таклифларни янада аниқроқ ишлаб чиқиш учун қатор қўшимча учрашувлар ўтказишга келишиб олдилар, дейилади хабарда.
Мавзуга оид
09:30 / 30.09.2024
Тошкентда ўзини банк ходими деб таништириб, ўзганинг 15 млн сўмини ўзлаштирган шахс ушланди
07:50 / 23.09.2024
Банк сири соҳасидаги ҳужжатларга ўзгартириш ва қўшимчалар киритилмоқда
08:50 / 20.09.2024
Солиқ қўмитаси икки банкни жавобгарлик чоралари тўғрисида огоҳлантирди
08:40 / 19.09.2024