Миср Интерполдан Christie's аукционида сотилган Тутанхамон бюстини топишда ёрдам сўради

Миср ҳукумати ўтган ҳафтада Қоҳиранинг эътирозларига қарамасдан Лондондаги аукционда фиръавн Тутанхамоннинг бюсти сотилганидан сўнг Интерполга ёрдам сўраб мурожаат қилди.

Баландлиги 28 см бўлган кварцитдан тайёрланган уч минг йиллик мазкур бюст аукционда 5,97 млн долларга сотилди.

Миср Интерпол бу осори атиқани топишда ёрдам беришига умид қилмоқда. 

Аввалроқ Миср ҳукумати Christie's аукционидан Тутанхамон бюстини сотувдан олиб ташлашни талаб қилганди.

Мамлакат ташқи ишлар вазирлигининг билдиришича, қарийб уч минг йиллик бюст 1970-йилларда Мисрдаги ибодатхонадан ўғирлаб кетилган бўлиши мумкин.