АҚШнинг Россиядаги элчиси Жон Ҳантсман президент Дональд Трампга истеъфога чиқишга ариза ёзди. Бу ҳақда Salt Lake Tribune газетаси хабар берди.
Хабарда айтилишича, дипломат ўз лавозимини 3 октябрда тарк этмоқчи.
Нашр ўз сайтида Ҳантсманнинг мактуби нусхасини жойлаштирган. Мактуб 5 августда ёзилган.
Ҳантсман кузда Ютага қайтмоқчи. У бу штатда ўз вақтида губернатор бўлганди ва яна губернаторлик кампаниясини бошламоқчи.
Жон Ҳантсман АҚШнинг РФдаги элчихонасига 2017 йилнинг 3 октябридан буён бошчилик қилиб келаётганди.
