ИИББ: Сохта ходим жиноят устида қўлга олинди

Фото: Тошкент шаҳар ИИББ ахборот хизмати

2019 йилнинг 17 июль куни Чилонзор туманида жойлашган олий таълим муассасаларининг бирининг талабаси ҳисобланган 25 ёшли Б.О. 29 ёшли С.А.га ўзини “жиноят қидирув ходими” деб таништирган.

ИИББ хабарига кўра, шундан сўнг, у фуқарони ўғирланган буюмларни сотиб олганликда айблаб, содир этган жинояти учун кўз юмишини ва жиноий жавобгарликка тортмаслиги учун 100 АҚШ долларини сўраган. Б.О. Чилонзор тумани Муқимий кўчасида талаб қилинган пулни олиш вақтида қўлга олинди.

Ушбу факт бўйича Ўзбекистон Республикаси Жиноят кодексининг 168-моддаси (“Фирибгарлик”) билан жиноий иш қўзғатилди.