Ўзбекистон | 09:52 / 28.08.2019
29118
2 дақиқада ўқилади

Сенат раисига қўшимча ваколатлар берилди

Олий Мажлис Сенати раиси Танзила Норбоева

Ўзбекистон Республикаси президенти «Ўзбекистон Республикаси Олий Мажлиси бюджетини шакллантириш ва ижро этишнинг янги механизмлари жорий этилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонунни имзолади. Ҳужжат матни ЎзА томонидан эълон қилинди.

Қонун Қонунчилик палатаси томонидан 2019 йил 12 июлда қабул қилинган, Сенат томонидан 2019 йил 24 августда маъқулланган.

Ўзбекистон Республикасининг 2002 йил 12 декабрда қабул қилинган «Ўзбекистон Республикаси Олий Мажлисининг Сенати тўғрисида»ги 432–II-сонли Конституциявий Қонунига қуйидаги ўзгартиш ва қўшимчалар киритилди:

14-модданинг (Сенат Раисининг ваколатлари) биринчи қисми:

13-бандидаги (Сенат девони фаолиятига раҳбарликни амалга оширади, сенаторлар ва Сенат девони ишлаши учун зарур харажатлар сметаларини тасдиқлайди) «сенаторлар ва Сенат девони ишлаши учун зарур харажатлар сметаларини тасдиқлайди» деган сўзлар чиқариб ташланди;

қуйидаги мазмундаги 13-1 ва 13-2-бандлар билан тўлдирилди:

«13-1) Сенатнинг харажатлари сметасини шакллантириш ва бажаришга доир ишларга умумий раҳбарликни ҳамда уларни мувофиқлаштиришни амалга оширади;

13-2) Сенатга ажратилган бюджет маблағларидан фойдаланиш тўғрисидаги фармойишларни имзолайди»;

32-модданинг (Сенат фаолиятини молиялаштириш) матни қуйидаги таҳрирда баён этилди:

«Сенат фаолиятини молиялаштириш Ўзбекистон Республикаси Давлат бюджети маблағлари ҳисобидан амалга оширилади ва ушбу бюджетда алоҳида сатрда назарда тутилади».

Мавзуга оид