Исроил Эронни махфий ядро объектини йўқ қилишда айблади

Исроил бош вазири Биньямин Нетаньяху Теҳронни Исроилга Эроннинг махфий ядро объекти ошкор бўлгандан кейин уни йўқ қилишда айблади.

“Сиз нима билан, қачон ва қаерда шуғулланаётганингизни биламиз. Сизнинг ёлғонингиз ва қоидабузарлигингизни фош қилишда давом этамиз”, деб айтган Исроил бош вазири Теҳронга юзланиб. 

Унинг таъкидлашича, объект Форс вилоятидаги Обод шаҳрида жойлашган бўлган ва жорий июнь охири-июль охири оралиғида йўқ қилинган.

“Эрон ядро қуролини ишлаб чиқиш учун бу ерда синовлар ўтказган. Эрон унинг объектини фош қилганимизни билгач, қилган иши – уни йўқ қилиш бўлган”, деб таъкидлаб ўтган Нетаньяху. У нутқи давомида тахмин қилинаётган объектнинг йўқ қилингунгача ва йўқ қилинганидан кейинги суратларини кўрсатган. 

Нетаньяху халқаро ҳамжамиятни АҚШнинг Теҳронга қарши санкцияларига қўшилиб, Эронга босим ўтказишга чақирган.

Эрон ўтган ҳафта ядро келишуви доирасидаги мажбуриятларидан воз кечишнинг 3-босқичини бошлаб, уранни бойитиш учун турли моделдаги 56 та такомиллаштирилган центрифугани фойдаланишга киритмоқчи.