«Барселона» сардори Лионель Месси бир ой муддатга сафдан чиққан бўлиши мумкин.
El Chiringuito хабарига кўра, 32 ёшли футболчининг чап сони мушаклари чўзилиб кетган.
Месси сешанба куни Примера доирасидаги «Вильярреал»га (2:1) қарши ўйинда мавсумда илк маротаба жамоасининг асосий таркибида майдонга тушган эди. Биринчи бўлимда унга тиббий ёрдам кўрсатилди, танаффусда эса алмаштирилди.
Энди Месси Ла Лига доирасидаги «Хетафе», «Севилья» ва «Эйбар»га қарши ўйинларни, шунингдек Чемпионлар Лигаси гуруҳ босқичи доирасидаги «Интер» ва «Славия»га қарши баҳсларни ўтказиб юбориши мумкин.
