«Реал» шарманда бўлишига бир бахя қолди, рақиб ҳужумчиси голини Роналду услубида нишонлади

«Реал»нинг ўйини яна бир бор Чемпионлар лигасидаги сенсациялардан бири бўлди. Мадридликлар турнирда қаторасига иккинчи бор мағлуб бўлишига бир бахя қолди, аммо жамоа фахрийлари «Брюгге»га қарши ўйинда жамоани мағлубиятдан қутқариб қолишди (2:2).

Чемпионлар лигаси. 2-тур. A гуруҳи
«Реал» (Испания) — «Брюгге» (Бельгия) — 2:2 (0:2)
Голлар: Деннис, 9 (0:1). Деннис, 39 (0:2). Серхио Рамос, 55 (1:2). Каземиро, 85 (2:2).
«Реал» (Мадрид): Куртуа (Ареола, 46), Карвахаль, Варан, Серхио Рамос, Начо (Марселу, 46), Кроос, Каземиру, Модрич, Васкес (Винисиус Жуниор, 67), Бензема, Азар.
«Брюгге»: Миньоле, Клинтон Мата, Мехеле, Дели, Соболь, Вормер, Ритс, Ванакен, Диатта, Деннис (Опенда, 71. Кулс, 87), Тау (Схрейверс, 90+2).
Огоҳлантиришлар: Миньоле, 69. Опенда, 77. Вормер, 78. Азар, 90+2.
Четлатиш: Вормер, 84 (қўпол ўйин, иккинчи с.к.).
Ҳакам: Кабаков (Болгария).
1 октябрь. Мадрид. «Сантьяго Бернабеу» стадиони.

Бельгияликлар рекорди
Чемпионлар лигасида биринчи турдан кейин энг ноодатий картина А гуруҳида кузатилаётганди. «Реал»ни сўнгги ўринда кўриш — бу ҳали биргина ўйиндан кейин бўлса ҳам — нонсенс эди. Айниқса «Қироллик клуби» Испания чемпионатида пешқадамлик қилаётган маҳалда. Мадридликлар ички турнирда қаторасига учта турда гол ўтказмасдан ғалабали серия қайд этишди, аммо еврокубокда «ПСЖ»дан аламли мағлубият қабул қилиб олди (0:3).

«Биз фанатлардан қарзимизни қайтаришимиз керак», — деганди ўйиндан олдин Зинедин Зидан. У ўйинлари ўзига ҳеч қачон ёқмаган Бэйл ва Хамес Родригесни ўйинга заявка қилмади. Бу жуфтлик амалда жароҳатидан энди тузалган Иско ва Марселога жойларини бўшатиб беришди. Сафга қайтган икки футболчи ҳам захирада қолишди ва биринчи бўлимни ўз жамоалари мавсумни мағлубиятсиз ўтказаётган «Брюгге»га қандай мағлуб бўлаётганини кузатиб ўтиришди.

Зидан майдонга бир неча кун олдин Мадрид дербисида ўйнаган таркибда фақат икки ўзгариш қилди - Гарет Бэйл ва Федерико Вальверде ўрнида Лука Модрич ва Лукас Васкес ўйинни илк дақиқаларданоқ майдонда бошлади. Бу жамоа сардори Серхио Рамос учун ЕЧЛдаги юбилей - 120-ўйин эди ва у бу борада ўз амплуасида Роберто Карлос томонидан ўрнатилган рекордни такрорлади.

«Реал» 11-дақиқадаёқ гол ўтказиб юборди. «Қаймоқранглилар» «Сантяго Бернабеу»да 2007 йилдан буён бунча барвақт гол ўтказишмаганди. Бу вазиятда дастлаб ҳакам офсайд ҳолатини қайд этди, аммо мезбонлар ҳимояси офсайд тузоғини қўйишда хатога йўл қўйишганди, ВАР гол ҳаққонийлигини тасдиқлади. Чиндан ҳам меҳмонлар яримҳимоячиси Перси Тау қанотда тўғри позицияда туриб тўпни қабул қилган ва тўпни Ванакенга узатган, у эса Деннисни голли пас билан таъминлаганди. Кулгили тарафи бельгияликлар ҳужумчиси тўпга зарба бермаган, у тўпни ўзига бўйсундира олмаган, тўп унинг ўнг оёғига эмас, чап оёғига келган ва ундан узоқлашганди, лекин тўп йиқилишга улгурган Тибо Куртуанинг ёнгинасидан ўтиб кетди. Бельгияликлар Чемпионлар лигасида ҳали бунча барвақт гол уришмаганди.

🔥 TAU ASSIST - Emmanuel Dennis with the finish vs Real Madrid at The Bernabéu. @percymuzitau22 🦁 🇿🇦 🇳🇬 pic.twitter.com/CgSYmvJyje

— Diski_Style (@Diski_Style) October 1, 2019

Танаффусгача нокдаун 
«Реал» бу вазиятда сохта академикка ўхшаб қолганди. Жамоа тўпга эгалик қилар, аммо худди гол осмондан тушишини кутаётгандек эди. Бу ўйинда Азар яна ўзига ўхшамади, ҳолбуки у мавсумни муваффақиятсиз ўтказаётган бўлсада Зидан уни ҳимоясига олган. У ўзи ҳам Мадридга келганида мослашиш даврини бошдан кечирганини эслаб, бельгиялик футболчининг клубдаги келажагидан мутлақо хотиржамлигини билдирган. Аммо Азарда ўзига ишонч етишмаяпти. У ўзига хос зарбаси билан дарвозасини ишғол этиши мумкин бўлган вазиятларда тўпдан қутулишга ҳаракат қилмоқда.

Тўғри, у жамоадошларига қулай паслар етказмоқда. Лекин у пас узатиб ҳужум темпини тушириб қўяётган вазиятлар ҳам бўлмоқда ёки ундан тўпни қабул қилиб олган жамоадошлари аниқ зарба бера олмаяпти. Биринчи бўлимда мадридликлар сафида гол уришга энг яқин келган футболчи Варан бўлди, аммо унинг бош билан йўллаган зарбасини Миньоле бартараф этди. Майдон эгаларининг бу вазиятда омади келмади, аммо улар ҳали ўзларини олдинда нима кутаётганини билишмасди.

Бўлим охирида Модрич Денниснинг босими остида тўпни йўқотди, тўпни эгаллаб олган нигериялик ҳужумчи эса олдинга югурди ва дарвозабон билан яккама-якка вазиятга чиқиб борди, у бу сафар ҳам тезлигини тўғри чамалай олмасдан қоқилиб кетди, аммо оёқда туриб қолишга эришди ҳамда тўпни Куртуанинг устидан ошириб ташлади.

39' Real Madrid 0-2 Club Brugge

Emmanuel Dennis..#RMCLU #UCL pic.twitter.com/OzkOu7SSOo

— EL Tigre Falcao (@SueltanELTigre) October 1, 2019

Голини Криштиану Роналду услубида нишонлаб эса мезбонларни таҳқирлади. «Қаймоқранглилар» ЕЧЛ ўйинларида биринчи бор «Сантьяго Бернабеу»да қаторасига учинчи ўйинда ўз дарвозасидан камида иккита гол ўтказмоқда. Трибуна ўз жамоасини танаффусга ҳуштакбозликлар билан кузатди.

Рамос ва Каземиро шармандаликка йўл қўймади
Ўтказиб юборилган икки голда ҳам Серхио Рамос идеал даражада ҳаракат қила олмади. Эдер Милитао захирада қолдирилгани Зиданга кўп саволлар туғдиради. Француз мураббий эса ўзининг эски гвардиясига ишонч билдиришда давом этмоқда, фақат бир нарса тушунарсиз, «Реал» унда нега ёзда янги футболчилар учун 300 миллион евро сарфлаганди. Йович захира ўриндиғида, Родригу заявкада ҳам йўқ... Бу қарорлар мантиқ кўринмайди.

Бу оқшомда Зидан иккинчи бўлимда ўйинни кучайтириши мумкин бўлган захирага эга эмасди. У оқсоқланаётган Начо ўрнига Марселони, ошқозонидаги муаммоси туфайли Куртуа ўрнига Ареолани туширишга мажбур бўлди. Балки қорни оғриб қолмаганида ҳам Зизу учта зарбадан иккитасини ўтказиб юборган ва мухлисларнинг нафратига йўлиққан (тўп унга келганида бутун стадион увуллай бошлади) дарвозабонни захирага олган бўларди. Нима бўлмасин бу қарор фойда берди, Деннис Рамоснинг навбатдаги хатосидан фойдаланиб, Варандан ҳам ўтиб, дарвозабон билан яккама-якка ҳолатда қолди, аммо Ареола «Реал»ни ўйинда қолдирди.

Кейин эса сардор ўз хатоларини ювиб, ВАР ёрдамида ҳисобни қисқартирди.

Sergio Ramos goal Real Madrid vs Club Brugge 1-2 #RMCLU unfortunately ruled outpic.twitter.com/WlVAU53cKy

— #UCL (@ZWODDE_) October 1, 2019

Жонли эфирдаги кадрларда у офсайддан гол ургандек кўринди, ҳамма видеотакрор ҳам мадридликлар фойдасига ишлаётгани ҳақида гапира бошлади, фақат арбитр майдон марказини кўрсатганидан кейин интернетда ҳакамнинг қарори тўғрилигини исботловчи стоп-кадрлар пайдо бўлди.

#РеалБрюгге - 1⃣:2⃣

Серхио Рамос, как кажется на первый взгляд, забивает из офсайда, но после просмотра ВАР гол засчитан!

Live! 🔴https://t.co/kJ3f5t8YPE pic.twitter.com/8ngC05sN2w

— СЭ Футбол (@se_football) October 1, 2019

Рамос Пикедан кейинги Чемпионлар лигасида 10та гол урган иккинчи футболчи бўлди, у шунингдек турнирда бош билан гол уриш бўйича Жон Террига тенглашиб олди (7тадан).

Бельгияликлар ғалабани сақлаб қола олишмади. Ҳисобни қисқартирувчи голдан кейин мадридликлар Миньоле дарвозаси томон босимни кучайтиришди, Зидан майдонга Винисиус Жуниорни ташлади. Бразилиялик футболчининг финтлари жамоага ёрдам берди. Меҳмонлар сардори Формер 7 дақиқа ичида Азар ва Жуниорга ишлатган қўполликлари туфайли иккита сариқ карточка олиб майдонни тарк этишга мажбур бўлди, унинг четлатилишидан бир дақиқа ўтиб Каземиру Крооснинг узатмасини боши билан дарвозага йўллаб, ҳисобни тенглаштирди.

Casemiro goal Real Madrid vs Club Brugge 2-2 #RMCLU Club brugge are also a man downpic.twitter.com/13kGJyD3ks

— #UCL (@ZWODDE_) October 1, 2019

Рамос ўйин охирида Миньоленинг хатосидан кейин ғалаба голини уриши ҳам мумкин эди, аммр бу ажойиб ўйин ўтказган «Брюгге»га нисбатан адолатсизлик бўларди. Қора-кўкларга — олқишлар, «Реал» ва Зиданга эса кўплаб саволлар.

Гуруҳ пешқадами «ПСЖ» эса Неймарсиз Туркияда «Галатасарой» устидан хотиржамлик билан ғалаба қозонди ва гуруҳ пешқадамлигини мустаҳкамлади. «Реал»да 2 ўйиндан кейин 1 очко бор.

Эммануэль Деннис ким?

«Сантьяго Бернабеу»даги ўйин қаҳрамони икки йил аввал Украина чемпионатида Луганскнинг «Заря» клубида тўп сурарди, у Европага Абужадаги академиядан келган. Бу ҳужумчи Украинада яхши мавсум ўтказгач, «Брюгге» уни 1,3 млн евро эвазига сотиб олган. Икки мавсумда у «Брюгге» сафида 82 ўйинда 24 гол уришга эришди.

«Биз Нигерияда ёш, талантли футболчи борлигини пайқадик. Унинг истиқболли футболчи эканини ҳисобга олиб, жамоага олиб келдик. Ҳозир кўплаб клублар ёш футболчиларга ишонч билдиришмоқда. Биз таваккал қилмадик», деганди ўшанда «Заря» бош мураббийи Юрий Вернидуб.

Эммануэль уни Нигериядан Европага олиб келганларнинг ишончни оқлади. «Реал» билан ўйинда ушбу нигериялик ҳужумчи рақиб дарвозасига ЕЧЛ ўйинининг бир бўлимида икки гол уриш орқали Дмитрий Радченко («Спартак») ва Марио Манжукичнинг («Ювентус») натижаларини такрорлади.